माय नगर वेब टीम
अहिल्यानगर – नगर तालुका पत्रकार संघाच्या अध्यक्षपदी सुनिल हारदे ( नवा मराठा ) तर उपाध्यक्ष पदी नागेश सोनवणे ( लोकमत ), सचिवपदी ज्ञानदेव गोरे ( पुढारी ) ,खजिनदार पदी भाऊसाहेब होळकर ( समाचार ) यांची एकमताने निवड करण्यात आली आहे.
नगर तालुका पत्रकार संघाच्या नूतन कार्यकारिणीची निवड करण्यासाठी संघाचे ज्येष्ठ मार्गदर्शक लहुकुमार चोभे यांच्या अध्यक्षतेखाली बैठक झाली. या बैठकीत अध्यक्षपदासाठी सुनिल हारदे यांच्या नावाची सूचना नागेश सोनवणे यांनी मांडली त्यास माजी जितेंद्र निकम (दिव्य मराठी ) यांनी अनुमोदन दिले. त्यानंतर सर्वानुमते उपाध्यक्ष पदी नागेश सोनवणे, सचिवपदी ज्ञानदेव गोरे, खजिनदार पदी भाऊसाहेब होळकर यांची निवड करण्यात आली.
या बैठकीस संघाचे माजी तालुकाध्यक्ष योगेश गुंड (लोकमत), नितीन देशमुख (सकाळ), सुनिल चोभे (नगर सह्याद्री), शशिकांत पवार (पुढारी), बाळासाहेब गदादे (पुण्यनगरी), अविनाश निमसे (नगर दंवडी), संजय ठोंबरे (लोकमत), आदिनाथ शिंदे आदी उपस्थित होते.